Բանկի վրա հարձակում է տեղի ունեցել, հանցագործին բռնել են. ոստիկանությունը՝ զինված հարձակման մասին
Քիչ առաջ տեղեկատվություն տարածվեց , որ արտակարգ դեպք է տեղի ունեցել Երևանում: Մի տղամարդ՝ զինված զենքով, մտել է Արաբկիր վարչական շրջանի Սունդուկյան 64 հասցեում գործող «ԱԿԲԱ Կրեդիտ Ագրիկոլ բանկ» և զենքը պահել աշխատակցուհու վրա ու հափշտակել մոտ 2 մլն 500 հազար դրամ և դիմել փախուստի:
Տեղեկությունը Auroranews-ի զրույցում հաստատեց ՀՀ ոստիկանության ԶԼՄ-ների հետ կապի բաժնի պետ Զարզանդ Գաբրիելյանը։
«Մենք ունենք ահազանգ, որ Արաբկիր վարչական շրջանի Սունդուկյան 64 հասցեում գտնվող բանկի վրա հարձակում է տեղի ունեցել, հանցագործին բռնել են»,- մեզ հետ զրույցում ասաց Գաբրիելյանը:
