Իմքայլական Անուշ Բեղլոյանը Շուշին Շուշա անվանեց

«Իմ քայլը» խմբակցության անդամ Անուշ Բեղլոյանը պնդում է, որ «Пограничная ZONA» պրոյեկտի օնլայն կոնֆերանսի ընթացքում արված իր հայտարարությունները խեղաթյուրվել են:
Երբ լրագրողները միացրեցին Բեղլոյանի ձայնով անգլերեն ձայնագրությունը, խնդրելով, որ պատգամավորն իր ասածը թարգմանի, նա խնդրեց լրատվամիջոցներից մեկում հրապարակված թարգմանությունը: Բայց լրագրողները պնդեցին, որ իր խոսքը հենց ինքը թարգմանի: Բեղլոյանն էլ այսպես թարգմանեց. «Ձեր խոսակցությունները, թե ումն է եղել այդ հողը և ով է եղել առաջինն այդ հողում՝ կարևոր չեն այն համատեքստում, որ հայերից ավելի լավ դա հիմնավորել որևէ մեկը չի կարող»:

Լրատվամիջոցի ներկայացուցիչներից մեկը, սակայն, նկատեց, որ բացառի այլ կերպ է թարգմանվում. «Բառացի ասում եք, որ մենք պետք է առաջ նայենք, ոչ թե վերադառնանք հին խոսակցությանը, թե ում հողերն են դրանք և ով է սկսել պատերազմը»:

Պատասխանելով այլ հարցերի՝ նա նաև հետևյալ ձևակերպումն արեց. «Այս պահին 7 շրջանը և ավելին հանձնված են Ադրբեջանին»: Եվ լրագրողի՝ «ես գիտեի՝ պատերազմով են... » դիտարկումից հետո միայն իր ձևակերպման մեջ ավելացրեց «պատերազմ» արտահայտությունը:

Շուշիի մասին խոսելիս էլ օրենսդիր մարմնի ներկայացուցիչը քաղաքը նախ անվանեց Շուշա, հետո միայն ուղղեց՝ Շուշի: