Արոնյանը հրաժարվում է հանդես գալ ՀՀ դրոշի ներքո. պարզաբանում

Համացանցում լուրեր են տարածվել, որ Հայկական շախմատի առաջատար Լևոն Արոնյանը հրաժարվել է այսուհետ հանդես գալ ՀՀ դրոշի ներքո և պատրաստվում է տեղափոխվել մշտական բնակության ԱՄՆ` հանդես գալով ԱՄՆ դրոշի ներքո: Ա

Ըստ տարածվող տեղեկությունների  պատճառը Նիկոլ Փաշինյանի չկատարած հերթակա խոստումն է:

«Վարչապետ դառնալու առաջին ամիսներին Փաշինյանը հանդիպել է Արոնյանին և խոստացել, որ կլուծի գերհզոր համակարգչի ձեռքբերման և անձնական մարզչի ֆինանասավորման հարցը, որպեսզի Լևոնը կարողանա լիարժեք պատրաստվել աշխարհի չեմպիոնի հավակնորդների առաջիկա մրցաշարին, բայց ինչպես սպասելի է, նա իր խոստումը չի կատարել»:

Ավրորանյուզը կապ է հաստատել Հայաստանի Շախմատի ֆեդերացիայի հետ նախ լուրի իսկությունը ճշտելու նպատակով: Մեզ ասացին, որ այս պահին որեւէ պարզաբանում չեն կարող ներկայացնել, իսկ գրոյսմաստերը ԱՄՆ տեղափոխվելու և ՀՀ դրոշի ներքո հանդես չգալու որոշման պատճառների մասին առաջիկայում պարզաբանում կտարածի: