Սիրիական Աֆրինում պայթյուն է որոտացել. կան զոհեր
Պայթյուն է որոտացել Սիրիայի Հալեպ նահանգի՝ թուրքական վերահսկողության տակ գտնվող Աֆրին քաղաքում, ինչի հետևանքով վեց քաղաքացիական անձ է մահացել, այդ թվում՝ երեք երեխա:
Ինչպես փոխանցում է «Թանսիմ» գործակալությունը՝ հղում անելով սիրիական «ՍԱՆԱ» պետական լրատվամիջոցին, միջադեպը տեղի է ունեցել շաբաթ Ալ-Սինա թաղամասում, երբ ականապատ մեքենա է պայթեցվել:
Զոհերից բացի կա 25 վիրավոր: Նշվում է, որ պայթյունն այնքան հզոր է եղել, որ վնասել է մոտակա շինությունները:
