Հրազդանի կիրճում ծառից կախված վիճակում է հայտնաբերվել 15-ամյա տղան
Արտակարգ իրավիճակների նախարարության փրկարար ծառայության հատուկ նշանակության փրկարարական աշխատանքների իրականացման խումբը երեկվանից որոնողական աշխատանքների արդյունքում Հրազդան կիրճում ծառից կախված հայտնաբերել են 15-ամյա Հ. Ն.-ի դին:
Ֆոտոլրագրող Գագիկ Շամշյանի տեղեկացմամբ, այս պահին դեպքի վայր են ժամանել ոստիկանության Մաշտոցի բաժնի և Հայաստանի քննչական կոմիտեի Երևան քաղաքի քննչական վարչության Աջափնյակ և Դավիթաշեն վարչական շրջանների քննչական բաժնի խումբը:
Հիշեցնեմ, որ հունվարի 30-ին, ժամը 20։33-ին Ճգնաժամային կառավարման ազգային կենտրոն ահազանգ է ստացվել, որ Երևանի Հրազդանի կիրճում՝ «Պրինցես Մարիաննա» ռեստորանի մոտակայքում, երեխա է կորել․ որոնողական աշխատանքներ իրականացնելու համար անհրաժեշտ է փրկարարների օգնությունը։
Դեպքի վայր է մեկնել ԱԻՆ ՓԾ փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի փրկարարական խումբը։
Որոնողական աշխատանքներն ավարտվել են անարդյունք։
Հունվարի 31-ին, 11։44-ին որոնողական աշխատանքները վերսկսելու նպատակով դեպքի վայր է մեկնել ԱԻՆ ՓԾ փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի փրկարարական խումբը։
Փրկարարները Հրազդանի կիրճում հայտնաբերել են Հ․ Ն․-ի դին։
Հիշեցնենք, որ երեկվանից համացանցում 15-ամյա Հրաչյա Ներսիսյանի անհետ կորելու մասին տեղեկություններ էին տարածվել, նրան փնտրում էին քաղաքի տարբեր հատվածներում։
