Մոսկվայում ցույցի ժամանակ ձերբակալել են Ալեքսեյ Նավալնիի կնոջը և տեղափոխել մեկուսարան
Մոսկվայում ընթացող չարտոնագրված բողոքի ցույցերի ժամանակ ձերբակալվել է ընդդիմադիր գործիչ Ալեքսեյ Նավալնիի կինը:
ТАСС գործակալությունը հաղորդում է, ոստիկանները նրան ձերբակալել են անօրինական երթի ժամանակ և տեղափոխել «Մատրոսկայա Տիշինա» մեկուսարան, որտեղ գտնվում է նրա ամուսինը: «Յուլիա Նավալնայային ձերբակալել են, նրա կարգավիճակը դեռևս հայտնի չէ, քանի որ կապ չկա»,- գործակալության հետ զրույցում ասել է նրա փաստաբան Սվետլանա Դավիդովան:
ՌԴ ՆԳՆ-ն և դատախազությունը նախապես կոչ է արել զերծ մնալ չարտոնագրված ակցիաներին մասնակցելուց: Բողոքի ակցիաներն անցկացնում են Նավալնիի աջակիցները:
