Եվրոպան անմտածված եւ անհիմն «դեն է նետում» Ռուսաստանի հետ հարաբերությունների ներուժը. Դմիտրի Պեսկով
ՌԴ նախագահի մամուլի քարտուղար Դմիտրի Պեսկովը «Ռոսսիա-1» հեռուստաալիքի «Մոսկվա: Կրեմլ: Պուտին» հաղորդման եթերում հայտարարել է, որ Կրեմլն ափսոսում է, որ Եվրոպան անմտածված եւ անհիմն «դեն է նետում» Ռուսաստանի հետ հարաբերությունների ներուժը: Ներկայիս մարտահրավերները թելադրում են երկխոսություն զարգացնելու անհրաժեշտությունը,- հաղորդում է ՏԱՍՍ-ը:
Կրեմլի ներկայացուցչի կարծիքով՝ Եվրամիության երկրները «ամբողջովին չմտածված եւ անհիմն պարզապես դեն են նետել» Ռուսաստանի հետ հարաբերությունների պոտենցիալը:
Ինչպես համարում է Պեսկովը, ներկայում պետությունների առջեւ ծառացած մարտահրավերների հսկայական թիվը «թելադրում է այդ երկխոսությունը զարգացնելու անհրաժեշտությունը»:
«Սակայն ամեն օր մենք լսում ենք այն հայտարարությունները, որոնք մենք լսում ենք: Եւ մեզ դա դուր չի գալիս»,-եզրափակել է նա:
