Պետք չէ գնալ Թուրքիա՝ ամենանենգ երկիրը. Ժիրինովսկի

Ռուսաստանի լիբերալ դեմոկարատական կուսակցության առաջնորդ Վլադիմիր Ժիրինովսկին Ստամբուլում ռուսների վրա հարձակման դեպքից հետո ռուսներին հորդորել է չգնալ Թուրքիա:

Ավելի վաղ «ՌԻԱ Նովոստի»-ն հայտնել էր, որ կիրակի երեկոյան աղբահավաք Հասան Հուսեյնը, որը տառապում է հոգեկան հիվանդությամբ, դանակով հարձակվել է Ռուսաստանի երեք քաղաքացիների`տղամարդու և երկու կանանց վրա, որոնք վիրավորվել էին: Հարձակվողը կալանավորված է: Ինչպես հաղորդվում է Ստամբուլում Ռուսաստանի գլխավոր հյուպատոսությունում, ՌԴ քաղաքացիները տարբեր ծանրության վնասվածքներով հոսպիտալացվել են:

«Պետք չէ գնալ Թուրքիա՝ ամենանենգ երկիրը»,-ասել է Ժիրինովսկին՝ մեկնաբանելով իրավիճակը: