ՏԵՍԱՆՅՈՒԹ. Բողոքի ակցիաներ և մոտ 900 ձերբակալված Ռուսաստանում. բերման է ենթարկվել Նավալնիի կինը

Ռուսաստանում սկսված բոողոքի ակցիաների ժամանակ ձերբակալվել է ընդդիմադիր գործիչ Ալեքսեյ Նավալնիի կինը՝ Յուլիա Նավալնայան: Այս մասին հայտնում է BBC-ի ռուսական ծառայությունը: 
 

Նշենք, որ Մոսկվայում ռուս ընդդիմադիր քաղաքական գործիչ Ալեքսեյ Նավալնիի կողմնակիցները, ովքեր փորձում էին չարտոնված ակցիա կազմակերպել, ձերբակալվել են: Հաղորդվում է, որ Ռուսաստանում ընդհանուր առմամբ այսօր սկսված բողոքի ակցիայի ժամանակ բերման է ենթփարկվել այս պահի դրությամբ 900 մարդ: Ինչպես տեղեկացնում է «Interfax»-ը,  ձերբակալվել է նաև Ալեքսեյ Նավալնիի Մոսկվայի շտաբի համակարգող Օլեգ Ստեպանովը:
 

Ռուսաստանի ներքին գործերի նախարարությունը չարտոնված ակցիաների կապակցությամբ նախազգուշացրել է, որ իրավապահների նկատմամբ յուրաքանչյուր սադրանք եւ նրանց օրինական պահանջներին չենթարկվելը կհետաքննվեն:
 

Ավելի վաղ հաղորդվել էր, որ Ալեքսեյ Նավալնիի կողմնակիցները չարտոնված ակցիա են կազմակերպել Հեռավոր Արևելքում: Բողոքի ակցիաներ են կազմակերպվել Խաբարովսում, Վլադիվոստոկում, Չիտայում, Ուլա Ուդեյում և այլ քաղաքներում: Հաղորդվել էր մի քանի տասնյակ անձանց ձերբակալության մասին:

 

Կոմերսանտի հաշվարկներով՝ այս պահին Սանկտ Պետերբուրգում միջոցառումներին մասնակցում է մոտ 5 հազար մարդ:

Իրավապահները մարդկանց դուրս են բերում ամբոխի միջից: Ակցիայի դուրս եկած մասնակիցները բղավում են. «Պուտին՝ գող», «Ամոթ»:

Պետերբուրգում Սահմանադրական դատարանի դիմաց ՕՄՕՆ-ի ուժերի ուղղությամբ ձնագնդի են նետում:

Քաղաքականություն

Պատահարներ