ԵՄ-ն պատժամիջոցներ է կիրառում Սիրիայի արտգործնախարարի դեմ
Եվրամիության խորհուրդը պատժամիջոցների ցուցակում է ընդգրկել Սիրիայի արտաքին գործերի նախարար Ֆեյսալ Միկդադին՝ հայտնում է INTERFAX-ը:
«Խորհուրդն այսօր որոշում կայացրեց Սիրիայի արտաքին գործերի նորանշանակ նախարար Ֆեյսալ Միկդադին ներառել ցուցակում, որում հայտնված անձանց նկատմամբ կգօրծեն Սիրիայի դեմ ԵՄ սահմանափակող միջոցառումները»,- ասված է ԵՄ Խորհրդի մամուլի հաղորդագրության մեջ:
Սիրիայի հարցով ԵՄ սև ցուցակում ներառված մարդկանց ընդհանուր թիվը հասնում է 289-ի: Նրանց վրա կտարածվեն ճանապարհորդության արգելքներն ու ակտիվների սառեցումը: Նշվում է, որ երկրորդ կետը վերաբերում է նաև 70 իրավաբանական անձանց:
