Ոստիկանական հատուկ օպերացիա Երևանում. բռնվել է «Կյաժ Աշոտի» սպանության գործով հետախուզվողներից մեկը
SHAMSHYAN.com-ի տեղեկություններով՝ քիչ առաջ ՀՀ ոստիկանության քրեական ոստիկանության գլխավոր վարչության ծառայողները Երևանում իրականացրել են «Պապն ամեն անգամ փլավ չի ուտի» հատուկ օպերացիան, որի արդյունքում բռնվել և քրեական ոստիկանություն է բերման ենթարկվել Երևանի բնակիչ 30-ամյա Սամվել Քրմոյանը։ Ինչպես հայտնում է ֆոտոլրագրող Գագիկ Շամշյանը, օպերացիան իրականացվել է մի քանի օր օպերատիվ-հետախուզական աշխատանքների արդյունքում, որովհետև Ոստիկանությունն ունեցել է կասկածներ, որ Ս․ Քրմոյանը, ում նկատմամբ քրեական գործ է հարուցվել այս տարվա հունիսի 9-ին Շենգավիթում հայտնի «Ռիմա Թրավել» ընկերության սեփականատեր 28-ամյա Աշոտ Պետրոսյանի, հանրությանն ավելի շատ հայտնի «Կյաժ Աշոտի» սպանության գործով հարուցված քրեական գործի շրջանակում, հնարավոր է, լինի զինված։
