Զելենսկին նշել է, թե որ դեպքում ինքը կզանգահարեր Պուտինին
Ուկրաինայի նախագահ Վլադիմիր Զելենսկին «Ֆոկուս» լրատվականին տված հարցազրույցում նշել է, թե որ դեպքում ինքը կզանգահարեր Ռուսաստանի նախագահ Վլադիմիր Պուտինին:
«Ես կարող եմ զանգահարել նրան, նա հաստատ կշփվի ինձ հետ»,- ասել է Զելենսկին:
Լրագրողի այն հարցին՝ ինչու դեռ դա չի արել, Զելենսկին պատասխանել է, որ խոսակցության թեմա չկա:
Ուկրաինայի ղեկավարի խոսքերով՝ եթե «նորմանդական ձևաչափի» (Ռուսաստան, Ուկրաինա, Ֆրանսիա, Գերմանիա) առաջնորդների խորհրդականների հանդիպման մասին որոշումը հետաձգվի, նա, անշուշտ, կխոսի Ռուսաստանի նախագահի հետ: Զելենսկին նշել է, որ եթե դա օգնի ավելի արագ դադարեցնել պատերազմը, ապա Ուկրաինայի ղեկավարը «պետք է շփվի նրա հետ»:
Նա նաև շեշտել է, որ երկխոսությունը պետք է լինի ինչպես «նորմանդական ձևաչափի» շրջանակներում, այնպես էլ ուղիղ:
«Քանի որ կան հարցեր, որոնք մենք չենք բարձրացնում «նորմանդական ձևաչափում». հետևաբար, մենք պետք է նրա հետ առերես խոսենք»,- նշել է Զելենսկին:
