Մոտ 50 երկիր մտադիր է մասնակցել «Բանակային միջազգային խաղեր-2021» զորավարժություններին. Շոյգու
Մոտ 50 երկիր տեղեկացրել են հաջորդ տարի կայանալիք «Բանակային միջազգային խաղերին» իրենց թիմերն ուղարկելու մտադրության մասին: ТАСС գործակալության փոխանցմամբ՝ այս մասին հայտնել է ՌԴ պաշտպանության նախարար Սերգեյ Շոյգուն:
«Հաջորդ տարի մեզ մոտ անցկացվելիք զորավարժություններին մասնակցելու մասին հայտնել են շուրջ 50 երկրներ: Շարունակում ենք հայտեր ստանալ, և հուսով եմ, որ մեզ ոչինչ չի խանգարի հաջորդ տարի անցկացնել այդ միջոցառումը»,- ասել է ռուս նախարարը:
Վերջինս հիշեցրել է, որ այս տարի մրցումներին մասնակցել են ավելի քան 30 երկրի ներկայացուցիչներ: Մրցումներն անցկացվել են 5 պետության տարածքներում:
2021 թվականին Բանակային միջազգային խաղերը կանցկացվեն օգոստոսի 22-ից միչև սեպտեմբերի 4-ն ընկած ժամանակահատվածում: Ընդհանուր առմամբ նախատեսվում է 34 միջազգային մրցույթ իրականացնել՝ դրանց անցկացման աշխարհագրության առավելագույն ընդլայնմամբ:
