Պատերազմում հաշմանդամություն ձեռք բերած տղերքի շենքերում սայլակների հարմարությունով վերելակներ կտեղադրվեն. քաղաքապետ
Սոցապ նախարարի հետ արդեն խոսել եմ և նրան խնդրել եմ, որ վերջնական ճշգրտումներ անի, մեզ փոխանցի բոլոր այն երևանաբնակ տղերքի ցուցակը, որոնք պատերազմի ընթացքում հաշմանդամություն են ձեռք բերել, և մենք քաղաքապետարանի աշխատակիցների խնայած գումարներով բոլոր շենքերում վերելակներ կտեղադրենք, որոնք թույլ կտան սայլակներով մուտք գործել վերելակ: Այս մասին այսօր Երևանի ավագանու նիստի ժամանակ ասաց քաղաքապետ Հայկ Մարությանը՝ խոսելով պատերազմի ընթացքում տուժած քաղաքացիներին աջակցելու մասին:
«Այն զրկանքները, որոնք կրել են մեր քույրեր-եղբայրները, շատերը, ցավոք, կորցրել են իրենց երեխաներին, հայրերին, մայրերին, շատերը մնացել են առանց նրանց միակ կերակրող: Սա բավականին ծանր է, ազգային ողբերգություն է, և քաղաքապետարանը պետք է անմասն չմնա և իր ներդրումն ունենա նրանց աջակցելու հարցում: Լուծելու ենք խնդիրները կետային, ամբողջովին, բնականաբար, մեր հնարավորությունների սահմանում»,-ասաց նա:
Հայկ Մարությանը նշեց, որ վերջին շրջանում քաղաքապետարանում պարգևավճարներ չեն բաժանվել, և այդ խնայողություններն ուղղվելու են ճիշտ նպատակին: Հայկ Մարությանը շնորհակալություն հայտնեց բոլոր աշխատակիցներին, որոնք պատրաստական են եղել աջակցել այս հարցում:
Մարությանն անդրադարձավ նաև ամբողջ քաղաքում հին վերելակները նորերով փոխարինելու մասին հարցին և նշեց, որ այս շաբաթ մրցույթ կհայտարարվի 2021 թվականին ևս 100 վերելակ փոխարինելու համար:
Նմանատիպ հոդվածներ
Շտապ պետք է գնանք. տեղեկություն ստացա, որ Որոտան գյուղից 12 տուն անցնում է Ադրբեջանին. Առուշ Առուշանյան
Սյունիքում կլինեն ռուս սահմանապահներ. գաղտնի փաստաթուղթ չի ստորագրվել. ՊՆ
Մեր տեղեկություններով՝ նաև ռուս խաղաղապահներ են գտնվում շրջափակման մեջ. Նիկոլ Փաշինյան
Արցախի սահմանից ներս որևէ բան չի եղել. ՊԲ-ն արձագանքել է «Բայրաքթար»-ի մասին լուրերին
Ավելին Քաղաքականություն բաժնից
Ձեր հին ձևերը բախվելու են օրինականությանը. Սուրեն Պապիկյան
Ուժեղ բռնելու են ընտրակաշառք բաժանողներին ու վերցնողներին. Ալեն Սիմոնյան
Իրավապահների նկարած անհաջող ֆիլմ և մոնտաժված ձայնագրություն. Մարիաննա Ղահրամանյան
