ՏԵՍԱՆՅՈՒԹ. Խաղաղապահների ընդհանուր պատասխանատուն ասաց՝ պիտի զենքերը հանձնեք. Աղավնոյի համայնքապետ
Աղավնոյի համայնքապետ Անդրանիկ Չավուշյանը տեսանյութով պատմել է, թե ինչ է խոսել ռուս խաղաղապահների հետ.
«Խաղաղապահների ընդհանուր պատասխանատուն ասաց՝ պիտի զենքերը հանձնեք: Ես էլ հարց տվեցի՝ կերաշխավորե՞ք, որ մենք նույն ձև զոհեր, առեւանգվողներ չենք ունենա: Ասաց՝ ես խոստանում եմ, ասացի՝ զենքս կտամ, երբ դու ապահովես այդ 5 կմ-ի պայմանագիրը: 5 կմ-ը ապահովի, ես հանգիստ լինեմ, հող մշակեմ, ապրեմ, մի քիչ ես էլ հանգստության կարիք ունեմ»,- ասել է նա:
Համայնքապետը նշել է, որ գյուղացիներն էլ ունեն պաշտպանվելու իրավունք:
«Մենք խախտում չենք արել, ընդամենը խաղաղ բնակիչներ ենք ու երբ իրենք իրենց գործը չեն անում, մենք ստիպված մեր սարերը պահում ենք: Հիմա իրենք ասացին, որ մենք իբր թե խախտում ենք, որ չենք ենթարկվում: Ասացինք՝ եթե սա է օրենքը, կենթարկվենք, խնդիր չկա, ոչինչ, բայց մեզ պիտի երաշխիք կանգնեք, վստահ լինենք, որ անելու եք, ոչ թե առավոտ հելնենք։ Ասացինք՝ չենք ուզում կոնֆլիկտներ, բայց գոնե զենքերից մի քանիսը թողնեք: Ասում է՝ չենք քննարկում, կհանձնեք զենքերը, ես կապահովեմ, խոստանում եմ»,- նշել է նա:
Մանրամասները` տեսանյութում
