ԱՄՆ Նյու Յորքում ավտոմեքենան մխրճվել է ցուցարարների խմբի մեջ. կա 7 տուժած
ԱՄՆ Նյու Յորք նահանգի Մանհեթենի շրջանում ուրբաթ անցկացված բողոքի ակցիայի ժամանակ ավտոմեքենան մխրճվել է ցուցարարների խմբի մեջ: Այս մասին հայտնում է ТАСС-ը՝ հղում տալով ABC հեռուստաընկերության տեղի մասնաճյուղին:
Նշվում է, որ տուժել է 7 մարդ: Տուժածներից մի քանիսը հոսպիտալացվել են, նրանց կյանքին վտանգ չի սպառնում: Ավտոմեքենայի ղեկին կին է եղել: Նա չի փորձել լքել դեպքի վայրը, իր հետ զրուցել են ոստիկանության աշխատակիցներ: Նրա ձերբակալման մասին չի հաղորդվում:
Fox News հեռուստաալիքի տվյալներով՝ ցուցարարները հանդես են եկել հաջակցություն Black Lives Matter շարժման: Այն ակտիվ մասնակցություն ունի բողոքի զանգվածային ակցիաներում, որոնք ԱՄՆ-ում սկսվել են Մինեապոլիս քաղաքում աֆրոամերիկացի Ջորջ Ֆլոյդի սպանությունից հետո: Իրավապահները նրան ձերբակալելիս խեղդամահ էին արել: Ձերբակալմանը մասնակցություն ունեցած 4 ոստիկաններն աշխատանքից ազատվել են, նրանց մեղադրանք է առաջադրվել:
