ՌԴ-ում զինյալը ձերբակալման պահին պայթեցրել է իրեն
Ազգային հակաահաբեկչական կոմիտեն տեսանյութ է հրապարակել, որտեղ կարելի է տեսնել Կարաչաևո Չերկեսիայի Ուչկեկեն գյուղում ինքնապայթեցման զոհին:
Ինչպես երևում է տեսանյութում, չարագործի արյունոտ մարմինը գտնվում է դեղատնից առաջ։ Դեպքի վայրը շրջափակված է, շրջակայքում են գտնվում տարբեր ուժային գերատեսչությունների մի քանի ավտոմեքենաներ և իրավապահ մարմինների օպերատիվ աշխատակիցներ:
Ավելի վաղ տեղեկություն էր տարածվել, որ վեց ուժայիններ թեթև վնասվածքներ են ստացել Կարաչաևո-Չերկեսիայում զինյալին ձերբակալելիս, հաղորդում է Ազգային հակաահաբեկչական կոմիտեն:
Հանցագործը պայթեցրել է իրեն: Նա փորձել է ներխուժել այն տարածք, որտեղ իրականացվել են օպերատիվ միջոցառումներ:
Քաղաքացիական անձանց շրջանում կորուստներ չկան, հավելել են Ազգային հակաահաբեկչական կոմիտեից:
