Վաճառքի՞ են հանվել բանակի կարիքների համար նախատեսված օգնության տարբեր ապրանքներ. ահազանգ

Օնլայն վաճառքի հարթակներում, օրինակ list.am-ում վաճառքի է հանվել բանակի կարիքների համար նախատեսված օգնությունը, որն ուղարկվել է հայկական սփյուռքի կողմից:

Այս մասին հայտնում է БУЧА տելեգրամ-ալիքը։

Նույն աղբյուրի փոխանցմամբ՝ դրանց մեծ մասն ուղարկվում է Ռուսաստան և վաճառվում այնտեղ, քանի որ գները մի քանի անգամ բարձր են:

Նշենք, որ այս թեմային է անդրադարձել նար ռազմական փորձագետ Կարեն Հովհաննիսյանը: Վերջինս գրել է. «Առք ու վաճառքի կայքում նմանատիպ հայտարարություն է տեղադրված։ Դժվար չէ պարզել այս ապրանքների ծագման աղբյուրը, որտեղից է հայտնվել վաճառողների ձեռքը, արդյո՞ք դրսի հայրենակիցների կողմից ուղարկված օգնություններն են, թե ամեն դեպքում բիզնես է։ Ասեմ, որ պատերազմի օրերին երանի կտայինք նմանատիպ ապրանքներ Հայաստանում լիներ և ժամ առաջ տեղ հասցնեինք։
Հուսով եմ, որ իրավապահ մարմինները արագ կարձագանքեն, քանի որ սա շատ նուրբ և զգայուն թեմա է ու կարող է դառնալ տարբեր շահարկումների թեմա»։

Տելեգրամ ալիքը նշում է, որ սփյուռքահայերը հսկայական օգնություն են ուղարկել իրենց քաղաքների դեսպանատներ, վերջիններս էլ խոստացել են հասցնել դրանք Հայաստան:Օգնությունն այդպես էլ տեղ չի հասել: