Հայաստանում Իրանի նախկին դեսպանը նշանակվել է Իրանի փոխարտգործնախարար
Ընդունելով Հոսեյն Ջաբերի Անսարիի հրաժարականը, Իրանի արտգործնախարար Մոհամմեդ Ջավադ Զարիֆը Սեյեդ Քազեմ Սաջջադիին նշանակել է Իրանի ԱԳ նախարարության հյուպատոսային ու խորհրդարանային, ինչպես նաև արտասահմանում բնակվող իրանցիների հարցերով տեղակալի պաշտոնում: Այս մասին գրում է ParsToday.com-ը։
Նշենք, որ Սեյեդ Քազեմ Սաջջադին եղել է ՀՀ ԻԻՀ դեսպան, արտերկրում բնակվող իրանցիների հարցերով զբաղվող վարչության գլխավոր տնօրեն, Դիմադրողական տնտեսության վարչության գլխավոր տնօրեն և արտգործնախարարի խորհրդական:
