Ֆրանսիայում թուրքերը հարձակվել են խաղաղ ցույց իրականացնող հայերի վրա. կան վիրավորներ
Ինչպես արդեն հայտնել էինք, Ֆրանսիայում հայերը կրկին բողոքի ակցիա են իրականացրել։ Նրանք փակել են А7՝ Լիոնից Մարսել տանող մայրուղին։ Հայաստանի դրոշներով, թուրք-ադրբեջանական ագրեսիան դատապարտող պաստառներով, Արցախին աջակցող վանկարկումներով նրանք սպասում են ոստիկանության ծառայողների ժամանմանը՝ ներկայացնելու նրանց իրենց պահանջները։ Ցուցարարները ֆրանսիական հեռուստաալիքներով ուղիղ եթեր են պահանջում՝ իրենց բողոքի ձայնը լսելի դարձնելու համար։
Քիչ առաջ հայտնի դարձավ, որ տեղի թուրքերը մուրճերով հարձակվել են հայերի վրա: Հարձակման ժամանակ դեպքի վայր է եկել ոստիկանությունը: Հարձակվողներից մեկին հաջողվել է բռնել հենց հայերի օգնությամբ: Դեպքի վայրում է նաեւ շտապ օգնությունը, տուժածները տեղափոխվում են հիվանդանոցներ: Ճանապարհը դեռ փակ է:
«Մենք մեզ համար խաղաղ ցույց էինք անում եկան մուրճերով, դանակներով հարձակվեցին մեզ վրա»,- ասաց հայ ցուցարարներից մեկը:
Թարմացվող տեղեկատվություն.
