Ավստրիան արգելել է թուրքական «Bayraktar» ԱԹՍ-ների համար կիրառվող մասերի արտահանումը

Ավստրիան արգելել է թուրքական «Bayraktar» անօդաչուների համար կիրառվող մասերի արտահանումը: Այս մասին հայտնում են միջազգային լրատվականները: 

Քվեբեկում տեղակայված ընկերությունը, որն առավել հայտնի է իր Ski-Doo և Lynx ձնագնացներով, հայտնել է՝ նախորդ շաբաթ են իմացել, որ իրենց ենթակայության ավստրիական Rotax ընկերության ռեկրեացիոն ինքնաթիռների շարժիչներն օգտագործվում են թուրքական Բայրաքթար անօդաչու թռչող սարքերում։

«Մենք վերջերս տեղեկացանք, որ Rotax-ի որոշ շարժիչներ ներկայումս օգտագործվում են ռազմական անօդաչու թռչող սարքերում և անմիջապես մանրակրկիտ հետաքննություն ենք սկսել։ Միևնույն ժամանակ մենք դադարեցնում ենք օդանավերի շարժիչների առաքումը անհասկանալի օգտագործման երկրներ», - ասվում է BPR-ի ավագ փոխնախագահ և ընկերության խոսնակ Մարտին Լանգելյերի հայտարարության մեջ։

Լանգելյերը նշել է, որ Rotax-ի ինքնաթիռների բոլոր շարժիչները նախագծված և արտադրված են Ավստրիայում՝ բացառապես քաղաքացիական նպատակներով և սերտիֆիկացված են միայն քաղաքացիական օգտագործման համար: