Հրապարակվել են Արցախում ադրբեջանական կողմից կռված և սպանված վարձկանների լուսանկարները. Jesr Press

Արաբալեզու էլեկտրոնային Jesr Press պարբերականը հրապարակել է Արցախում Ադրբեջանի կողմից կռված և վիրավորված վարձկանի առաջին լուսանկարը: Պարբերականը նշում է, որ վարձկանը, որը «Սիրիական ազգային բանակի» անդամ է, այս կադրերն արվելուց հետո մահացել է:

Վերջինս աղգությամբ թուքմեն է, ծագումով Հոմս նահանգի Թիսնին գյուղից: Անունը Աբդուլ Ռիզակ է, մականունը՝ «Աբու Հուրեյրա», 

Պարբերականը, սեպտեմբերի 30-ին արված հրապարակման մեջ, հղում տալով իր աղբյուրներին, նշում է, որ «3 օր առաջ 30 զինյալները վատ ծրագրման պատճառով շրջափակման մեջ են հայտնվել և մահացել»: 

[2ec784200ecdf7d71e84c809ea54fd41.jpg]

Սոցիալական ցանցերում ակտիվիստները տարածել են նաև Մուհամմադ Շաալան անունով մեկ այլ վարձկանի լուսանկար, որը սիրիական ընդդիմության զինյալ է: Ըստ պարբերականի՝ վերջինս նույնպես սպանվել է ադրբեջանական և հայկական զինված ուժերի միջև մարտերի ընթացքում:

[b51caa045d774b0530c5762bb4966b49.jpg]

Մուհամմադ Շաալանը, որն ավելի հայտնի է որպես Աբու Շաալան, ծագումով Աթարիբ քաղաքից է, որը գտնվում է Հալեպ նահանգի արևմտյան մասում: Նա եղել է «Թուվար աշ Շամ» խմբավորման զինյալ: