Ուկրաինայում տղամարդը փորձել է ինքնասպան լինել երկրի նախագահի պատճառով
Ուկրաինական Դնեպրոպետրովսկում (Դնեպր) տղամարդը փորձել է հրապարակավ ինքնասպան լինել: Այս մասին գրում է eadaily.com կայքը:
Ինքնասպանությանն առավելագույն «հնչեղություն» տալու համար տղամարդը որոշել է կյանքին վերջ տալ շրջանային ադմինիստրացիայի շենքի դիմաց:
Տղամարդը փորձել է դանակով ինքնասպան լինել և նույնիսկ հասցրել է շեղբով ծակել որովայնը: Այնուամենայնիվ, հրապարակային «խարակիրին» ձախողվել է: Ինքնասպանը ողջ է մնացել, շտապօգնությունը նրան տեղափոխել է հիվանդանոց:
Տղամարդը, բացատրելով իր արարքը, ասել է, որ այդպիսով «փորձել է բողոքել Ուկրաինայի ներկայիս նախագահ Վլադիմիր Զելենսկիի դեմ»: Միևնույն ժամանակ ոստիկանների և դատաբժշկական փորձագետների հետ զրույցում նա չի կարողացել որևէ հիմնավոր դժգոհություն արտահայտել Զելենսկիի հասցեին:
