Մերձմոսկվայում թեթևշարժիչային ինքնաթիռ է ընկել. կա 2 զոհ
Երկու քաղաքացիների մարմինները հայտնաբերվել են Մերձմոսկովյան շրջանում ընկած թեթեւ շարժիչով ինքնաթիռում, հայտնում է ՌԻԱ Նովոստին՝ վկայակոչելով ՌԴ արտակարգ իրավիճակների նախարարությանը:
Նշվում է, որ Դուշոնովո գյուղի շրջանում ինքնաթիռի ընկնելու մասին ականատեսը հայտնել է Մոսկվայի ժամանակով 17:00-ին: Նախնական տվյալներով ՝ օդանավում եղել է երկու մարդ։ Գործակալության աղբյուրը հայտնել է, որ օդաչուն և ուղևորը զոհվել են:
«Կործանված թեթևշարժիչային ինքնաթիռում եղել է երկու մարդ։ Նրանք երկուսն էլ զոհվել են, նրանց մարմինները հայտնաբերվել են ինքնաթիռի ներսում»,- ասել է գործակալության զրուցակիցը:
Ավելի վաղ հաղորդվել էր, որ EuroStar թեթեւ շարժիչով ինքնաթիռը Շչոլկովոյում ընկել է ավազահանքի մեջ, որը մասամբ ջրով է լցված եղել:
