Լուկաշենկոն խնդրանքով դիմել է Պուտինին
Բելառուսի նախագահ Ալեքսանդր Լուկաշենկոն Վլադիմիր Պուտինին խնդրել է փոխանցել Գերմանիայի կանցլեր Անգելա Մերկելին, որ Գերմանիան չմիջամտի Բելառուսի ներքին գործերին: Այս մասին հայտնել է Լուկաշենկոյի մամուլի քարտուղար Նատալյա Էյսմոնտը՝ «Ռոսսիա-1» հեռուստաալիքի եթերում:
«Մեր երկրի նախագահը խնդրել է իր ռուս գործընկերոջը փոխանցել տիկին Մերկելին, որ Գերմանիան և, ընդհանրապես, ողջ Արևմտյան Եվրոպան չմիջամտի Բելառուսի ներքին գործերին, որոնք տեղի են ունենում հիմա»,- ավելացրել է նա:
