Ձերբակալել են Բեյրութի նավահանգստի տնօրենին

Բեյրութի նավահանգստի գլխավոր տնօրեն Հասան Քրեյթեմին ձերբակալել են: Корреспондент պարբերականի փոխանցմամբ՝ քննիչները բերման ենթարկված պաշտոնյային հարցաքննել են 4 ժամից ավելի՝ նրա փաստաբանի ներկայությամբ:

Օգոստոսի 4-ին Բեյրութի նավահանգստում տեղի ունեցած ողբերգական պայթյունի առնչությամբ նաև հրահանգ է տրվել՝ ձերբակալելու նաև Լիբանանի մաքսային ծառայության ղեկավար Բադրի Դահերին:

Բեյրութի պայթյունի գործով ձերբակալված ևս 21 մարդու գործի քննության ընթացքի մասին տեղեկություններ չեն հաղորդվում:

Հիշեցնենք՝ Լիբանանի մայրաքաղաքում ևս մեկ ամսով երկարաձգվել է արտակարգ դրությունը, որը սահմանվել էր պայթյունից հետո: Օգոստոսի 4-ին Բեյրութի նավահանգստում տեղի ունեցած ողբերգական պայթյունից մահացել է ավելի քան 170 մարդ, 6000 մարդ վիրավորվել է: Շուրջ 300 հազար մարդ մնացել է անօթևան:

Լիբանանի քաղաքացիները պայթյունի մեջ մեղադրում են իշխանություններին անփութության համար: Ցույցերի ֆոնին կառավարությունը՝ վարչապետի գլխավորությամբ, հրաժարական է տվել: