Փողերի լվացման մեջ մեղադրվող քաղաքապետը Գագիկ Բեգլարյանն է

ՀՀ ազգային անվտանգությունը քիչ առաջ հաղորդագրություն էր տարածել, որում նշվում էր, որ Երևանի նախկին քաղաքապետը մեղադրվում է փողերի լվացման մեջ։ ԱԱԾ հաղորդագրության մեջ նկարագրված իրադարձությունները տեղի են ունեցել 2009 թ-ին, երբ Երևանի քաղաքապետը Գագիկ Բեգլարյան էր։

Ըստ հաղորդագրության՝ 27.05.2009 թ-ին, 06.05.2009 թ-ին ձևականորեն հրավիրված Երևանի ավագանու նիստերին քննարկել և հաստատել են Երևան քաղաքի Մաշտոցի պողոտա 40ա շենքի թիվ 100 հասցեում գտնվող 171.9քմ մակերեսով անշարժ գույքը, Երևան քաղաքի Չարենցի փողոց 4 շենքի թիվ 129 հասցեում գտնվող 103.1քմ մակերեսով անշարժ գույքը, Երևան քաղաքի Վարդանանց փողոցի 5ա շենքի թիվ 366 հասցեում գտնվող 107.9քմ մակերեսով անշարժ գույքը նվիրատվության կարգով՝ անհատույց տրամադրելու հարցը, որոնց նկատմամբ վերջիներս ձեռք են բերել սեփականության իրավունք: Այնուհետև, որոշ ժամանակ անց՝ 02.02.2011 թ-ին, 10.02.2011 թ-ին, 01.06.2011 թ-ին, նախապես ձեռք բերված պայմանավորվածության համաձայն՝ վերջիններս այդ գույքը չնչին գումարներով օտարել են Երևանի քաղաքապետի պաշտոնը զբաղեցրած անձի մերձավոր ազգականներին կամ նրա հետ փոխկապակցված անձանց: Արդյունքում՝ այս գործողությունների արդյունքում հասցվոծ վնասը կազմել է 235 մլն դրամ։

Հիշեցնենք, որ Գագիկ Բեգլարյանը հետախուզվում է այս տարվա մարտի 24-ից։ Նա մեղադրյալ էր ներգրավվել պետությանը պատկանող առանձնապես խոշոր չափերով անշարժ գույքը հափշտակելու համար։ Հունիսի 3-ից հետախուզվում է նաև նրա եղբայրը՝ Յուրի Բեգլարյանը։