Արամուսի մանկապարտեզը կառուցվում է ապօրինի կառուցված ռեստորանների օրինականացման արդյունքում. վարչապետ
«Պիտի ընենց գյուղապետ ընտրեք, որ չգողանա, ընենց կառավարություն ընտրեք, որ չգողանա, հանգիստ հարկերը վճարեք, ապրեք»,- այսօր Արամուս գյուղում բնակիչների հետ զրույցի ժամանակ ասաց ՀՀ վարչապետ Նիկոլ Փաշինյանը։
Վարչապետն Արամուսում ծանոթացավ մանկապարտեզի շինարարական աշխատանքներին. 40 տարվա ընթացքում առաջին անգամ այստեղ մանկապարտեզ է կառուցվում:
Համայնքի ղեկավարը հայտնեց, որ ծրագրի արժեքը 433 մլն դրամ է և այդ միջոցներն ապօրինի շինությունների՝ հիմնականում խոշոր ռեստորանների օրինականացման հաշվին մուտք արված միջոցներն են։
«Դա էլ է հետաքրքիր փաստ, փաստորեն, այս մանկապարտեզը կառուցվում է ապօրինի կառուցված ռեստորանների օրիկնականացման արդյունքում ձևավորված գումարների հաշվին»,- ասաց վարչապետը։
