ՏԵՍԱՆՅՈՒԹ. Սոմալիում հարձակվել են հյուրանոցի վրա․կա 20-ից ավելի զոհ
Սոմալիում հանրահայտ Լիդով լողափի շրջանում գտնվող Elite հյուրանոցի տարածքում գրոհայինները պայթյուն և հարձակում են իրականացրել։ Այս մասին հայտնում է Somali Guardian-ը։
Զոհվել է առնվազն 20 մարդ, վիրավորվել՝ 35-ը։ Նշվում է, որ կիրակի ցերեկը հյուրանոցի մոտ մեքենա է պայթեցվել, որից հետո «Ալ-Շաբաբ» խմբավորման գրոհայինները գրոհ են սկսել և պատանդներ վերցրել։
Ներկայում արդեն ուժայիններն ավարտել են հյուրանոցը զինյալներից ազատագրելու օպերացիան։ Բոլոր զինյալները ոչնչացվել են։
