Գյումրիում նռնակ է հայտնաբերվել

Այսօր՝ օգոստոսի 6-ին, «911» ծառայություն ահազանգ է ստացվել, որ Գյումրիի Դուդկոյի փողոցում՝ «Վեոլիա ջուր» ընկերության մոտակայքում, պոլիէթիլենային տոպրակում պայթուցիկ սարք է հայտնաբերվել: Այս մասին հայտնում է SHANTNEWS.am-ը: 

Դեպքի վայր է մեկնել Արտակարգ իրավիճակների Շիրակի մարզային փրկարարական վարչության հրշեջ-փրկարարական ջոկատից մեկ մարտական հաշվարկ: Պարզվել է՝ անհրաժեշտ է սակրավորների խումբ, որը կպարզի՝ պայթուցիկ սարքը ուսումնակա՞ն է, թե՞ մարտական:

Օպերտաիվ աշխատանքներից հետո մարզային փրկարարական վարչությունից մեր թղթակցին հայտնել են, որ հայտնաբերվածը ուսումնական նռնակ է՝ առանց պայթուցիչի: Այն տեղափոխվել է ոստիկանության բաժանմունք: