17։00-ից ընտանիքներով հավաքվում են Ջերմուկի տաքսիների կանգառում. Այնտեղից գնալու ենք Ամուլսար. Շիրակ Բունիաթյան
Բնապահպան, Ջերմուկի բնակիչ Շիրակ Բունիաթյանը ֆեյսբուքյան էջի միջոցով տեղեկացնում է, որ այսօր ժամը 17։00-ից սկսած ընտանիքներով հավաքվում են Ջերմուկի տաքսիների կանգառում և այնտեղից իրենց միացած մարդկանց հետ 18։00-ին գնալու են Ամուլսար՝ առաջ քաշելու իրենց պահանջները։
«ԱՄՈՒԼՍԱՐԸ ՍԱՐ Է ՄՆԱԼՈՒ ԵՎ ՎԵՐՋ»,- հավելել է բնապահպանը։
Հիշեցնենք, որ երեկ գիշեր Ամուլսարում հավաքը դադարեցվեց և կշարունակվի այսօր: Հանրության պահանջներից ոչ մեկը դեռևս չի բավարարվել:
Հանրության հիմնական պահանջն է՝ ուժը կորցրած ճանաչել Ամուլսարի ՇՄԱԳ-ին 2016թ-ին տրված դրական եզրակացությունը, վերադարձնել Ամուլսարի պահապանների դիմադրական կետերի տնակներն իրենց նախկին տեղում և վերացնել Լիդիանի պահնորդական ծառայության տեղադրած տնակները:
