Ճապոնացին ծակել է մոտ 1000 կնոջ մեքենայի անվադող, այնուհետև մոտեցել և օգնություն առաջարկել

Ճապոնիայում տղամարդը կանանց հետ ծանոթանալու համար տարիների ընթացքում ավելի քան 1000 մեքենայի անվադող է միտումնավոր ծակել, այնուհետև մոտեցել կանանց՝ օգնություն առաջարկելու նպատակով: 

 

Ինչպես հայտնում է flipboard.com-ը, օրերս  43-ամյա մի կին Հիգաշիուրա շրջանի սուպերմարկետներից մեկից դուրս գալուց և մեքենայով ճանապարհ ընկնելուց կարճ ժամանակ անց հասկացել է, որ անվադողի հետ խնդիր կա։ Այդ պահին նրան մոտեցել մի տղամարդ և օգնություն առաջարկել։ Առաջին հայացքից սովորական թվացող այս տեսարանը կնոջ համար բավական ծանոթ է եղել, քանի որ նման իրավիճակում նա նաև նախորդ տարի էր հայտնվել։

Որոշ ժամանակ անց կինը ոստիկանություն է դիմել, որն էլ սուպերմարկետի առջև եղած տեսախցիկներով պարզել է, որ տղամարդը միտումնավոր է ծակել անվադողը, որպեսզի հետո ծանոթանա կնոջ հետ։

 

Լրատվականը նշում է` տղամարդը խոստովանել է, որ  տարիների ընթացքում առնվազն 1000 անվադող է ծակել և խոստովանել, որ իր միակ նպատակը կանանց հետ ծանոթանալն է եղել։

Քաղաքականություն

Պատահարներ