«Դեռևս չենք ծրագրում բացել ցամաքային սահմանները». Գախարիա
Վրաստանի վարչապետ Գիորգի Գախարիան հայտարարել է, որ երկրի կառավարությունը դեռևս չի ծրագրում բացել ցամաքային սահմանները հարևան պետությունների հետ:
Ինչպես հայտնում է netgazeti.ge կայքը, Վրաստանի վարչապետը հայտարարել է.
«Ինչ վերաբերում է սահմանների բացմանը, մենք դեռևս չենք կարող հապճեպ քայլեր ձեռնարկել: Վրաստանի քաղաքացիների` երկիր մուտք գործելու համար, ինչպես նաև բեռնափոխադրումների համար սահմանները բաց են: Հսկողությունը բավականին արդյունավետ է, սակայն մենք դեռևս չենք ծրագրում բացել սահմանները»:
