11 երկրում, այդ թվում՝ Հայաստանում կորոնավիրուսի հետ կապված իրավիճակը լուրջ է. ԱՀԿ
Առողջապահության հանմաշխարհային կազմակերպությունը (ԱՀԿ) մտավախություն է հայտնել Եվրոպայում կորոնավիրուսի ակտիվ տարածման վերաբերյալ: Ինչպես հայտնում է BBC-ի ռուսական ծառայությունը, կազմակերպության Եվրոպական տարածաշրջանային բյուրոյի ղեկավար Հանս Կլյուգենը նշել է, որ Եվրոպայի 11 երկրում վիրուսի ցուցանիշներն այնքան են բարձրացել, որ անհապաղ միջոցներ չձեռնարկելու դեպքում տարածաշրջանում առողջապահական համակարգերը կրկին կհայտնվեն կոլապսի եզրին։ Այդ երկրների ցանկում ԱՀԿ-ն նշել է Հայաստանը, Ադրբեջանը, Ղազախստանը, Ղրղզստանը, Ուկրաինան, Մոլդովան, ինչպես նաև Շվեդիան, Բոսնիա և Հերցեգովինան, Հյուսիային Մակեդոնիան, Ալբանիան և Կոսովոն։
Ըստ նրա՝ նոր բռնկումը պայմանավորված է կարանտինային սահմանափակումների մեղմացմամբ։
