ԱՄՆ պետդեպարտամենտը հետաքրքրված է Պուտինի` Երկրորդ համաշխարհային պատերազմի մասին հոդվածով

Ռուսաստանի նախագահ Վլադիմիր Պուտինի` Երկրորդ համաշխարհային պատերազմի մասին հոդվածը էական հետաքրքրություն է առաջացրել ԱՄՆ պետդեպարտամենտում և քննարկումների սկիզբ է դրել: Այս մասին հայտարարել է Վաշինգտոնում ՌԴ դեսպան Անատոլի Անտոնովը, գրում է «ՌԻԱ Նովոստի» գործակալությունը: 

Նրա խոսքերով` դիվանագետները հոդվածն ուղարկել են Պետդեպարտամենտի ղեկավարությանը, առաջատար հասարակական կազմակերպություններին, արևմտաեվրոպական մի շարք առաջատար պետությունների դեսպանություններին և ԱՊՀ դիվանագիտական ներկայացուցչություններին: ԱՄՆ Պետդեպարտամենտը, Անտոնովի խոսքով, հետաքրքրվել է «Միջուկային հնգյակի» գագաթնաժողովով, որը, Երկրորդ աշխարհամարտի մասին իր հոդվածում, առաջարկել է անցկացնել Ռուսաստանի նախագահ Վլադիմիր Պուտինը: 
«Այս հանդիպումը պետք է որոշի միջազգային քաղաքականության ուրվագծերը և ամրապնդի աշխարհի անվտանգությունը»,- ընդգծել է  դեսպանը: 
Դիվանագիտական առաքելության ղեկավարը նշել է, որ Ռուսաստանի մոտ Միացյալ Նահանգներին ուղղվելիք  հարցեր են կուտակվել `կապված նրանց ծրագրերի և ռազմավարական անվտանգության ճարտարապետության փոփոխության հետ: Նա ընդգծել է, որ Մոսկվային չի կարող չանհանգստացնել Հակահրթիռային պաշտպանության, Միջին և փոքր հեռավորությունների վրա հրթիռների չեզոքացման և Բաց երկնքի պայմանավորվածություններից` ԱՄՆ-ի դուրս գալու փաստը: 

Անտոնովը ավելացրել է, որ փորձագետները ուշադրություն են դարձրել ռուս առաջնորդի հոդվածի հրապարակման ճիշտ ժամանակին լինելու վրա և պատերազմի ում կողմից սկսվելու և որ կողմի հաղթելու վերաբերյալ դրված վերջակետի վրա: 
Ըստ դեսպանի` Ամերիկայն պետդեպարտամենտի ներկայացուցիչները ցանկանում են ուսումնասիրել, թե ինչպես կարելի է օգտագործել Պուտինի առաջարկած մոտեցումները ժամանակակից կյանքում: 
 

Ռուսաստանի Դաշնության նախագահ Վլադիմիր Պուտինն ամերիկյան National Interest պարբերականի համար Երկրորդ համաշխարհային պատերազմում տարած հաղթանակի 75-ամյակին նվիրված հոդված է գրել: Հոդվածը հրապարակվել է «Երկրորդ համաշխարհային պատերազմի 75-րդ տարեդարձի իրական դասերը» վերնագրով: Նյութում Պուտինը պատմել է Երկրորդ համաշխարհային պատերազմի պատմությունը և բացատրել է դրա առաջացման պատճառները: