Վերջին 24 ժամում կորոնավիրուսով վարակման 551 նոր դեպք է հաստատվել, ապաքինվել է 588-ը

Հայաստանում հունիսի 20-ի դրությամբ հաստատվել է կորոնավիրուսով վարակման 551 նոր դեպք, վարակվածների ընդհանուր թիվը 19 708 է: Այս մասին տեղեկացնում է ՀՀ ԱՆ հիվանդությունների վերահսկման և կանխարգելման ազգային կենտրոնը:

Նշվում է, որ մեկ օրում կորոնավիրուսի հետևանքով մահացել է 13 քաղաքացի, ընդհանուր առմամբ՝ 332 պացիենտ: Մեկ օրում գրանցվել է կորոնավիրուսով վարակված անձանց՝ այլ հիվանդությունից մահվան 3 դեպք, ընդհանուր՝ 113: 
 

Առողջացածների թիվը 588 է, ընդհանուր՝ 8854, փաստացի բուժվում է 10 409 մարդ: Մեկ օրում թեստավորվել է 1843 մարդ, ընդհանուր՝ 93 786։

Մահացած քաղաքացիները եղել են 77 (տղամարդ), 59 (տղամարդ), 66 (կին), 76 (տղամարդ), 84 (տղամարդ), 38 (կին), 55 (տղամարդ), 85 (տղամարդ), 43 (տղամարդ), 70 (տղամարդ), 50 (տղամարդ), 70 (տղամարդ) և 56 (տղամարդ)տարեկան: Բոլորն ունեցել են ուղեկցող քրոնիկական հիվանդություններ։