Փիառստան եք սարքել Հայաստանը, հերիք է. Արման Աբովյան
Ինձ համար անսպասելի էր, որ հեղափոխության արած ուժը կդառնա հակահեղափոխական: Այս մասին այսօր Ազգային ժողովում իր ելույթում ասաց «Բարգավաճ Հայաստան» խմբակցության պատգամավոր Արման Աբովյանը, երբ ԱԺ-ն քննարկում էր ՀՀ գլխավոր դատախազի ներկայացրած «Բարգավաճ Հայաստան» կուսակցության առաջնորդ Գագիկ Ծառուկյանին հետապնդման ենթարկելու, մեղադրանք առաջադրելու վերաբերյալ միջնորդությունը:
Աբովյանի խոսքով՝ գլխավոր դատախազը այստեղ գալիս և հեքիաթ է կարդում, իսկ Առողջապահության նախարարն իր գործը թողած նախաքննության փաստաթուղթ է հրապարակում և դատախազը ասում է՝ նորմալ է:
«Փիառստան եք սարքել Հայաստանը, հերիք է, ձեր ուզածը որն է, պատժեք հանցագործներին, ոչ թե սարքեք մարդկանց գլխին, ինչից եք վախեցել, վախեցել եք նրանից, ինչը տեսաք հայելու մե՞ջ»,-ասաց նա և կոչ արեց աշխատել:
