Իսպանիան հուլիսից իր սահմանները կբացի զբոսաշրջիկների համար
Իսպանիան հուլիսից իր սահմանները կբացի արտասահմանցի զբոսաշրջիկների համար, հայտարարել է երկրի վարչապետ Պեդրո Սանչեսը, գրում է DW.com-ը։ Նա խոստացել է, որ կառավարությունը երաշխավորում է զբոսաշրջիկների եւ տեղացի այցելուների անվտանգությունը։ Սանչեսը նաեւ տեղեկացրել է, որ առաջիկա շաբաթներին ուժի մեջ կմտնի 3 մլրդ եվրոյի չափով նվազագույն բազային եկամտի սխեման՝ կորոնավիրուսի համավարակից առավել տուժած ընտանիքների աջակցության համար։
«Իսպանիան զբոսաշրջության կարիք ունի եւ զբոսաշրջությունն ինչպես ճանապարհորդության ելման կետի, այնպես էլ մեկնելու վայրի անվտանգության կարիք ունի։ Մենք երաշխավորում ենք, որ զբոսաշրջիկները չեն բախվի վտանգների եւ վտանգ չեն ներկայացնի մեր երկրի համար»,- հայտարարել է վարչապետը։
Հիշեցնքն, որ եվրոպական մի շարք երկրներ, այդ թվում Իսպանիան, Իտալիան, Հունաստանը եւ Ավստրիան առաջիկա շաբաթների ընթացքում նախատեսում են արտասահմանցի զբոսաշրջիկների համար բացել սահմանները:
