Չինաստանը ԱՀԿ-ին չի թողնում մասնակցել կորոնավիրուսի հետ կապված հետաքննությանը
Չինաստանում Առողջապահության համաշխարհային կազմակերպության ներկայացուցիչը հայտնել է, որ չինական կողմն առայժմ համաձայնություն չի տվել նոր տեսակի կորոնավիրուսի ծագման հետազոտությանը միանալու ԱՀԿ-ի առաջարկությանը։ Նրա խոսքերով՝ ազգային հետաքննություն արդեն կատարվում է, սակայն դրան միանալու հրավեր առայժմ չկա։
«ԱՀԿ-ն շարունակում է հայցեր ուղարկել Չինաստանի առողջապահական կառույցներ և իշխանական մարմիններ»,- ասել է Չինաստանում կազմակերպության ներկայացուցիչ Գաուդեն Գալեան:
Նա ընդգծել է, որ Չինաստանի իշխանություններն ԱՀԿ-ին չեն տրամադրել հասանելիություն վիրուսի տարածման էպիկենտրոն հանդիսացող Ուհանի երկու վիրուսաբանական լաբորատորիաների փաստաթղթերին։
Գալեան չի բացառել, որ Չինաստանը համաճարակի բռնկման հենց սկզբից լիարժեք տեղեկատվություն չի տրամադրել կազմակերպությանը։
