Միթե կարելի է այսչափ չսիրել քաղաքը. «Մինի» աղբավայր Արաբկիրում

Մինի աղբավայր Արաբկիրում. Միթե կարելի է այսչափ չսիրել քաղաքը: Այս մասին հաղորդագրություն է տարածել «Կանաչապատում եւ շրջակա միջավայրի պահպանություն» ՀՈԱԿ-ի Facebook-ի էջը, որտեղ նաեւ լուսանկարներ են տեղադրված:

Հաղորդագրության մեջ ասվում է.

[6b5bdec6bb968d171dd74f2c6142e834.jpg]

«Համաճարակի օջախ հանդիսացող տարածքի վրա անթաքույց աչք են փակում: Իսկ աղբակույտերը ժամ առ ժամ սնկի պես ավելանում են: «Կանաչապատում եւ շրջակա միջավայրի պահպանություն» ՀՈԱԿ-ը, «Աղբահանություն եւ սանիտարական մաքրում» հիմնարկի օգնությամբ, Կոմիտաս 60/2 հասցեից մի քանի բեռնատար տարիներով կուտակված կենցաղային աղբ է հեռացրել:

Ի դեպ, աղբանոցի վերածված տարածքին մոտ ոչ միայն բնակելի շենքեր են, այլեւ գործում է մեծ առեւտրի կենտրոն, որտեղից էլ աղբը հավաքվում է տեղանքում:

Նշենք, որ տարածքի մաքրման պատասխանատուն առեւտրի կենտրոնն է: Սակայն «Կանաչապատում եւ շրջակա միջավայրի պահպանություն» ՀՈԱԿ-ի տնօրենի ժամանակավոր պաշտոնակատար Արմեն Բեգոյանի որոշմամբ նման շատ տարածքներ են բարեկարգվել՝ չլինելով ՀՈԱԿ-ի գործառույթների տիրույթում: Արդյունքում՝ ոչ միայն վերադարձվել են մայրաքաղաքի կանաչ տարածքներն ու թթվածինը, այլեւ բարեկարգմամբ հնարավորություն է ստեղծվել երբեմնի անխնամ վայրերում նոր կանաչապատ եւ ծաղկած տարածքներ ունենալու: Սիրենք երկրի ու քաղաքի յուրաքանչյուր անկյունը, չաղտոտենք շրջակայքը, խնամենք ամեն ծառն ու թուփը: Փոփոխությունը Դուք եք»:

[456b41be3d5608a40f79e5d492ce96ba.jpg]

[ddf10ddabc8f4d52b531ed0f89f18fa5.png]