Կորոնավիրուսից ողջ աշխարհում մահացել է ավելի քան 200․000 մարդ. Worldometers

Նոր տեսակի կորոնավիրուսից ողջ աշխարհում մահացել է 200․400 մարդ: Այս մասին վկայում են Worldometers կայքի տվյալները:

Պարբերաբար թարմացվող տվյալների համաձայն՝ կորոնավիրուսով պայմանվորված հիվանդության հետևանքով արձանագրված մահվան դեպքերի թվով առաջատար երկիրն ԱՄՆ-ն է, որտեղ մահացել է 52․838 մարդ: Ակտիվ վարակակիրների առումով ԱՄՆ-ն ևս առաջին տեղում է (766․295 վարակակիր, վարակման ընդհանուր 929․637 դեպք:)

Մահացության ցուցանիշում եվրոպական առաջատար եռյակը կազմում են Իտալիան (26․384), Իսպանիան (22․902), Ֆրանսիան (22․245): Եռյակին հաջորդում է Մեծ Բրիտանիան (20․319):

Վարակման մեծ թվով դեպքեր են արձանագրվել նաև Գերմանիայում, Թուրքիայում, Իրանում, Ռուսաստանում, Բրազիլիայում, Բելգիայում, Կանադայում:

Ողջ աշխարհում ներկա պահին վարակվել է 2․867․574 մարդ, որոնցից ակտիվ վարակակիր են 1․847․864-ը: Ընդհանուր առմամբ, ապաքինվել է 819․310 մարդ: