Գյումրու Յոթ վերք եկեղեցու մոմավաճառը վարակվել է. ArmDaily.am

Գյումրու Յոթ վերք եկեղեցու մոմավաճառը վարակվել է կորոնավիրուսով: ArmDaily.am-ի այս տեղեկությունը հաստատեց Շիրակի թեմի առաջնորդ Միքայել եպիսկոպոս Աջապահյանը: 

«Բարեբախտաբար ուրիշ ոչ ոք չի վարակվել: Երեկ երեկոյան բոլոր ինքնամեկուսացվածների թեստերի պատասխանը բացասական է եղել: Մոմավաճառը մոտ 60 տարեկան տղամարդ է, ում վիճակը այս պահին բժիշկները բավարար են գնահատում»,- ասել է Միքայել եպիսկոպոսը:

Անդրադառնալով դիտարկմանը, որ ի հիշատակ անմեղ զոհերի բոլոր եկեղեցիների զանգերը պետք է ղողանջեին, բայց մարդիկ նշում են որ որոշ եկեղեցիների զանգեր չեն ղողանջել, այդ թվում Յոթ վերք եկեղեցունը՝ Սրբազանը նշել է. «Յոթ վերքի զանգերը չեն ղողանջել, քանի որ մոմավաճառը վարակվել էր և մնացած բոլոր աշխատողներն արդեն ինքնամեկուսացման և մեկուսացման հրահանգի մեջ էին, մենք նպատակահարմար համարեցինք, որ Յոթ վերքը դուրս մնա այդ ընդհանուր ծրագրից: Երեկ մենք հետևեցինք բժիշկների այդ ինքնամեկուսացման հրահանգին և մտածեցինք, որ ավելի լավ է մնալ ինքնամեկուսացման մեջ, քան թե մասնակցել ընդհանուր զանգահարությանը: Կարծում եմ ավելի ճիշտ էր մեր մոտեցումը, քան թե մի եկեղեցի ավել մասնակցեր: Այսօրվա դրությամբ ոչինչ չկա անհանգստանալու»: