Առողջապահության ոլորտը հիմա մի թեթեւ շնչում է, եկեք այդ շունչը չփակենք. Թորոսյանը՝ Ջանջուղազյանին
Լավ վիճակագրություն է, որ 7 տոկոս տնտեսական աճի պայմաններում առողջապահության ծախսերն աճել են 22 տոկոսով: Այս մասին, այսօր կառավարության նիստի ժամանակ նշեց ՀՀ վարչապետ Նիկոլ Փաինյանը՝ անդրադառնալով ֆինանսների նախարար Ատոմ Ջանջուղազյանի ներկայացրած վիճակագրության թվերին:
Նշենք, որ Ջանջուղազյանը նշել էր, որ առողջապահության ծախսերը առաջանցիկ տեմպերով ավելացնելով անհամամասնսություն է առաջանում այլ ոլորտների հետ համեմատությամբ:
Առողջապահության նախարար Արսեն Թորոսյանն էլ ասաց. «Առողջապահության ոլորտը ավանդաբար լինելով թերֆինանսավորված, դեռ անկախության առաջին տարիներից սկսած, հիմա մի թեթեւ շնչում է: Եկեք այդ շունչը պարզապես չփակենք եւ առաջանցիկ տեմպերով ավելացնենք ծախսերը»:
