Մարդիկ մոտենում են 8-րդ ծրագրով 68 հազար ստանալու, բանկում ստանում են ավելի քիչ․ Սամսոնյան
Արտակարգ դրության հայտարարումից և գործունեության մի շարք տեսակների դադարեցումից հետո անցել է մեկ ամիս, սակայն շատ մարդիկ դեռ չեն կարողանում իրենց գտնել 8-րդ հակաճգնաժամային ծրագրի շահառուների ցանկում։ Այս մասին այսօր խորհրդարանում հայտարարեց ԼՀԿ պատգամավոր Անի Սամսոնյանը։
Նրա խոսքով՝ մեկ այլ խնդիր էլ այն է, որ մարդկանց տեղեկացնում են, որ նրանք պետք է 68 հազար դրամ օժանդակություն ստանան, բայց երբ մոտենում են բանկեր, ստանում են ավելի քիչ։ Պատգամավորը կառավարության ներկայացուցիչներին ասաց, որ նման բողոքներ են ստանում, և խնդրեց պարզաբանել՝ ինչու է այդպես ստացվում։
Սամսոնյանն ասաց, որ այս հարցի պատասխանը չի կարողացել ստանալ աշխատանքի և սոցիալական հարցերի նախարարությունից։
