Լեհաստանում կորոնավիրուսով վարակված Հայաստանի 1 քաղաքացի կա․ նա հոսպիտալացվել է
Լեհաստանում ՀՀ դեսպանության ունեցած տեղեկություններով, այս պահին ունենք 1 վարակակիր ՀՀ քաղաքացի, նա հոսպիտալացվել է: Այս մասին «Օրեր» եվրոպական ամսագրին տված հարցազրույցում ասել է Լեհաստանում ՀՀ դեսպան Սամվել Մկրտչյանը՝ պատասխանելով հարցին, թե Լեհաստանում վարակվածների շրջանում արդյոք կա՞ն հայեր եւ եթե տեղյակ եք, ինչպիսի՞ն է նրանց առողջական վիճակը։
«Դեսպանության ֆեյսբուքյան էջով մշտապես տեղեկատվություն է հրապարակվել Լեհաստանի իշխանությունների ձեռնարկած քայլերի վերաբերյալ: Խիստ կարիք ունեցողներին ցուցաբերվել է նաև ֆինանսական աջակցություն: Ցավոք, մինչ այս պահը, հնարավոր է եղել կազմակերպել սահմանափակ թվով ՀՀ քաղաքացիների վերադարձը Հայաստան: Սակայն, այդ ուղղությամբ աշխատանքները շարունակվում են` հարևան երկրների օդային հաղորդակցության գործող հնարավորություններն օգտագործելու առումով: Անհրաժեշտ է նշել, որ ՀՀ քաղաքացիներից շատերը նախընտրում են սպասել Վարշավա-Երևան ուղիղ չվերթների վերականգնմանը,– ասել է Մկրտչյանը:
