Կալանավորի հանձնուքից հանում են միրգը, բայց թույլ են տալիս, որ նա նույն միրգը գնի ՔԿՀ-ի կողքի բուդկայից. Զոհրաբյան
«Վանաձոր» ՔԿՀ-ում այս պահին 20 դատապարտյալ հացադուլի մեջ են եւ այս թիվն ավելանալու է, եթե օր առաջ քայլեր չձեռնարկվեն: Այս մասին, այսօր՝ ապրիլի 22-ին, ԱԺ-ում հայտարարեց ԱԺ ԲՀԿ խմբակցության պատգամավոր Նաիրա Զոհրաբյանը:
«Արմավիր» ՔԿՀ-ում էլ 12 կալանավորներ գրավոր դիմել են ՔԿՀ պետին եւ հրաժարվում են ՔԿՀ սնունդից:
Անհասկանալի է, եթե ծնողներին, հարազատներին թույլ չեն տալիս հանձնուքի մեջ ներառել միրգ , չոր քաղցրավենիք, այդ դեպքում ինչո՞ւ են թույլ տալիս, որ այն կալանավորը, ով ունի քարտ, ՔԿՀ-ի կողքի բուդկայից նույն միրգն ու քաղցրավենիքն առնի: Այսինքն այստեղ կա ակնհայտ անհամաչափություն:
Երբ հարազատները բերում են հանձնուքը, միջից հանում են չոր քաղցրավենիքը, հանում են միրգը, ասում են՝ մենք միրգ տալիս եք: Բայց միրգ տալիս են 2-3 օրը մեկ, կամ օրական մի հատ խնձոր»,-հայտարարեց Զոհրաբյանը:
