Գերմանիան թույլատրել է COVID-19-ի դեմ պատվաստանյութի առաջին կլինիկական փորձարկումը
Գերմանիայի Պաուլ Էրլիխի պատվաստանյութերի և կենսաբժշկական դեղամիջոցների ինստիտուտը թույլատրել է կորոնավիրուսային վարակի դեմ երկրի առաջին պատվաստանյութի կլինիկական փորձարկումը: Այս մասին հաղորդել է РИА Новости-ն՝ կազմակերպության մամուլի ծառայությանը հղումով:
Նշվում է, որ թույլտվությունը հաստատվել է պատվաստանյութի հավանական առավելությունների և վտանգների մանրակրկիտ գնահատումից հետո:
«BioNTech դեղամիջոցի մշակողների հետ նախնական ինտենսիվ գիտական խորհրդատվությունների շնորհիվ Պաուլ Էրլիխի ինստիտուտը կարողացել է չորս օրում ավարտել գործընթացը»,- ասվում է հաղորդագրության մեջ:
Հայտնի է, որ փորձարկմանը կմասնակցի 18-55 տարեկան 200 առողջ կամավոր:
