Կառավարության նիստին փոխվարչապետ, պարետ Տիգրան Ավինյանը հայտարարեց, որ ապրիլի 15-ին Հայաստան է բերվել 100 հազար թեստերի ռեագենտներ։

«Չնաստանից ժամանած ևս մեկ ինքնաթիռով ներկրել ենք 100 հազար թեստերի ռեագենտներ, որոնք հանձնվելու են մոլեկուլյար կենսաբանության ինստիտուտին», - ասել է Ավինյանը, ապա տեղեկացրել, որ Հայաստանում արտադրելու են ՊՇՌ թեստեր։

«Այս փուլում հետազոտությունների ու զարգացման վրա գումարի ծախսը արդարացված է, հուսանք՝ մենք կունենանք վերջնական արտադրանքը հենց այն տեսքով, ինչ֊որ սպասում ենք»,-ասել է Ավինյանը։

ՀՀ վարչապետ Նիկոլ Փաշինյանը կատակել է՝ եթե դրությունը լավատեսական սցենարով զարգանա, Հայաստանը դա փոշեկուլի կվերածի։