Թուրքիայում կորոնավիրուսի պատճառով մոտ 90 հազար բանտարկյալ ժամանակավոր ազատ է արձակվել
Կորոնավիրուսային համավարակով պայմանավորված՝ Թուրքիայի խորհրդարանն ընդունել է մոտ 90 հազար բանտարկյալի ժամանակավոր ազատ արձակելու մասին օրինագիծ։ Այս մասին հայտնում է RIA Novosti-ն։
Իշխող «Արդարություն և զարգացում» կուսակցության ու «Ազգային շարժում» ազգայնական կուսակցության նախաձեռնությամբ՝ մինչև մայիսի 31-ն ազատ են արձակվում ոչ ծանր հանցագործություններ կատարած անձինք, ժամկետի ավարտից հետո նրանք կշարունակել կրել իրենց պատիժը։ Ժամկետը կարող է երկարաձգվել՝ կախված համաճարակի զարգացման դինամիկայից։
