Չեռնոբիլի ատոմակայանի գոտու հարևանությամբ բռնկված հրդեհը մարվել է
Չեռնոբիլի ատոմակայանի գոտու հարևանությամբ բռնկված հրդեհը մարվել է: Այս մասին հայտնել են Ուկրաինայի արտակարգ իրավիճակների պետական ծառայությունից:
Աղբյուրի փոխանցմամբ՝ հրդեհաշիջման աշխատանքներին նպաստել է անձրևը, որը սկսվել է հրդեհի բռնկվելուց 11 օր անց:
Չեռնոբիլի ատոմակայանի գոտու հարևանությամբ անտառային հրդեհները բռնկվել էին ապրիլի 4-ին: Հրդեհաշրջման աշխատանքներին մասնակցում էր ավելի քան 400 մարդ, գրեթե 100 միավոր տեխնիկա, ներառյալ ինքնաթիռներ և ուղղաթիռներ:
Կիևի ոստիկանության բաժանմունքից հայտնել են, որ հրկիզման կասկածանքով կալանավորվել է 2 մարդ:
